Мектепке дейінгі ұйым мен бастауыш мектеп арасындағы сабақтастық қағидатын іске асыру аясында "Таншолпан" бөбекжайы" КМҚК мен "Ахмет Байтұрсынұлы атындағы мектеп-гимназиясы" КММ бірінші сынып оқушыларына арналған экскурсия өтті.
Кездесу жылы, қуанышты атмосферада өтті. Оқушылар өздеріне таныс топтарды қызығушылықпен аралап көріп, тәрбиешілермен сөйлесті, мектептегі әсерлерімен бөлісіп, алғашқы жетістіктері туралы айтып берді және күзгі көрмені тамашалады. «Желкен» және «Наурыз» мектепалды топтарының тәрбиеленушілері қонақтарды қуана қарсы алып, шығармашылық нөмірлер дайындап, қонақтармен бірге ойын тапсырмалары мен викториналарға қатысты.
Мұндай кездесу мектеп жасына дейінгі балалардың мектепке көшуге жақсы дайындалуына, ал түлектердің балабақшамен байланысты сақтап, өздеріне сенімді әрі табысты болуына мүмкіндік береді.
Экскурсия Таншолпан" бөбекжайы" КМҚК мен "Ахмет Байтұрсынұлы атындағы мектеп-гимназиясы" КММ арасындағы ынтымақтастықты нығайтудағы маңызды қадам болды. Бұл шара балаларда оқуға деген оң мотивация мен өз-өзіне сенімділікті қалыптастыруға ықпал етті.
